Սիրելի՛ երեխաներ, թո՛ղ ձեր կյանքը լեցուն լինի սիրով ու քնքշանքով, իսկ ձեր պայծառ դեմքերին միշտ շողան ժպիտն ու խինդը:
Այսօր անուղղակիորեն նաև մեծահասակների տոնն է, քանի որ նրանց կյանքի իմաստը և գործի շարունակողը երեխաներն են, երեխաներն են հավերժ սերնդափոխության, գենի շարունակման ու ավանդույթների պահպանման երաշխավորը: Եվ մեծահասակներիս պարտքն է ստեղծել այնպիսի երկիր ու միջավայր, որտեղ մեր մանուկները կապրեն անվտանգ, խաղաղ ու ապահով:
Երեխաների պաշտպանության միջազգային օրը նշվում է ամեն տարի հունիսի 1-ին, հաստատվել է 1949 թվականին Փարիզում Կանանց միջազգային դեմոկրատական ֆեդերացիայի կողմից։ Տոնը առաջին անգամ նշվել է 1950 թվականին։
Հայաստանը Երեխաների իրավունքների մասին կոնվենցիան վավերացրել է 1990 թվականին, 1996 թվականին ընդունվել է «Երեխայի իրավունքների մասին» ՀՀ օրենքը։ Տոնը նշում են հանրապետության բոլոր մարզերում և Երևանում, կազմակերպվում են միջոցառումներ։
Անամպ մանկություն և ժպիտներ ձեզ, մեր ջի՛նջ մանկիկներ:
