Պաշտպանում է քաղցկեղից և ամրացնում սիրտը. սննդաբանը տեսակավորել է խաղողը ըստ գույնի

Շատ սննդաբաններ չեն սիրում խաղող՝ շաքարի բարձր պարունակության պատճառով։ Ուստի, ավելորդ քաշ ունեցող և ածխաջրային նյութափոխանակության խանգարումներ ունեցող մարդկանց համար ավելի լավ է այս հատապտուղը չներառեն իրենց սննդակարգում։ Մյուս դեպքերում խաղողը կարող է դրական ազդեցություն ունենալ օրգանիզմի վրա, ասել է բժշկական գիտությունների դոկտոր, սննդաբան Մարիյաթ Մուխինան։

Մասնագետի խոսքով՝ խաղողը պարունակում է տարբեր պոլիֆենոլներ և հակաօքսիդանտներ՝ կախված դրանց գույնից։ Օրինակ՝ մանուշակագույնը պարունակում է անտոցիանին, որը պաշտպանում է քաղցկեղից։ Կվերցետինի շնորհիվ կարմիր և վարդագույն սորտերը օգտակար կլինեն սրտանոթային և վիրուսային հիվանդությունների դեպքում։ Կանաչ խաղողը պարունակում է մեծ քանակությամբ մագնեզիում, որը նույնպես բարենպաստ ազդեցություն է ունենում սրտանոթային և նյարդային համակարգերի վրա։

«Բացի այդ, այն ունի շատ կալիում, որը լայնացնում է արյան անոթները և վերացնում վատ խոլեստերինը։ Բացի այդ, կա ռուտին, որն ամրացնում է անոթային պատը»,- Sputnik ռադիոյին տված հարցազրույցում բացատրել է Մարիյաթ Մուխինան։

Մի մոռացեք խաղողի սերմերի մասին։ Դրանք պարունակում են չլուծվող մանրաթել և օմեգա-3, օմեգա-6 պոլիչհագեցած ճարպաթթուներ: Դիետոլոգը պարզաբանել է, որ առողջ մարդը կարող է օրական ուտել 100-200 գրամ խաղող, եթե այն չամիչ է, ապա օրական 50 գրամ;