Տավուշում սահմանազատման գործընթացն ունի մի նպատակ՝ անիրագործելի դարձնել պատերազմը. այս պահի դրությամբ աշխատանքի 90 տոկոսն արված է. Փաշինյան

Այն սահմանազատման գործընթացը, որը տեղի է ունենում Տավուշի մարզում, ունի մի նպատակ՝ անիմաստ, անտրամաբանական և անիրագործելի դարձնել պատերազմը, լրագրողների հետ հանդիպմանն ասաց վարչապետ Նիկոլ Փաշինյանը։

«Պատերազմը զրկել տեղի ունենալու հիմքից։ Այս պահի դրությամբ աշխատանքի 90 տոկոսն արված է, և ինչքան այդ աշխատանքն առաջ է գնում, ավելի է ուժեղանում այն համոզմունքը, որ ձևավորվում են անվտանգայի երաշխիքներ, պատերազմը զրկվում է հիմքից և դառնում է անտրամաբանական ու ոչ լեգիտիմ»,-ասաց Փաշինյանը։

Կիսվել ձեր ընկերների հետ